Cap sud - r.r.r. van der leest - ebook (9789089543882)
Tde
Cap Sud (sûnder aksint: it is in Frânske namme) giet oer twa freonen, Diderik en Gerl. Gerl sjocht yn in fisoen hoe'st syn maat in autoûngelok krijt. Nei in petear mei in âlde frou dy'st yn de takomst sjen kin, giet Gerl mei de feint fan syn suster op 'se motor op speurtocht nei Diderik om him dêr foar te behoedzjen. Dy is yn Frankryk op fakânsje. It wurdt in tocht fol aventoeren. Se ha gjin oare oanwizing as dat se nei Cap Sud ta moatte. Cap Sud is it iennichste jongereinboek fan Van der Leest, skreaun yn opdracht. Hy krige der yn 1983 de earste Simke Kloostermanpriis foar. Dit boek is de werútjefte fan de earste printing út 1980. Ut al syn boeken docht bliken dat Van der Leest as gjin oar fan de Fryske skriuwers alle niget sjocht oan de eigenaardichheden fan ús dagen. In pree is ek Van der Leest syn feardich en gauris ferrassend taalgebrûk. Hy brûkt fansels it Frysk fan de tsjintwurdige jongerein, mar dan wol riker en fariearder as wat men ornaris opheint. Tiny Mulder yn it Friesch Dagblad Met name voor Friese begrippen een sterke volwassen jeugdroman, die 12- tot 16-jarigen zeker zal boeien. Wim van der Schaaf foar Boek en Jeugd Reinder van der Leest hat syn opdracht, it skriuwen fan in jongereinboek, op in treflike manier foarmjûn. Der is ferlet fan sok goed, oarspronklik materiaal. Jant van der Weg-Laverman yn Hjir
De roekkat - g. willem abma - ebook (9789089543691)
Tde
Dizze bekentenisroman giet oer Heerd Hissema yn syn gymnasiumjierren en is it ferfolch op De oantaasting út 1983. It boek kin dêr goed los fan lêzen wurde. Heerd is in ienselvige jonge dy'st in knau krigen hat fan it slim otterdoks fermidden om him hinne. `Roekkat's is de namme dy'st er jûn hat oan in kweade dreamferskining dy'st mei syn praat Heerd syn hannel en wannel beynfloedet. De roekkat wurdt sjoen as ien fan Abma syn bêste romans. It boek waard yn de jierren tachtich de ynset fan in diskusje oer de aktualiteit fan de psychologyske roman. Foar de iene `in hichtepunt yn de lêste tsien jier's, foar de oare `in oerstallich boek's. Dit boek is de werútjefte fan de earste printing út 1986. De roekkat is in wurk fan grutte ynset, fan sterke foarmjouwing en fan in foarbyldige leafde foar it detail. Anne Wadman yn Frysk en Frij In ferslach fan in puber oer syn libbensfaze tusken likernôch 13 en 19 jier, mei eigen eagen sjoen, út eigen gefoelens wei ferteld. Dat hâldt ek yn dat it hjir en dêr skokkend is, dat it frijmoedich is [...]'s Rients de Boer yn it Friesch Dagblad De roekkat is in Fryske roman, en in bêsten ien. Der is yn Fryslân altyd om goede romans frege en oan dy frage is yn de see fan tiid dy'st wy `nei de oarloch's neame in inkelde kear foldien. Jan Wybenga yn de Leeuwarder Courant
